Ukraynanın bir neçə aydır əlində saxladığı cəbhə xətti yayda dağıla bilər.

Axar.az xəbər verir ki, bunu “Politiko” nəşri ukraynalı yüksək rütbəli zabitlərə istinadla yazıb.

Onların sözlərinə görə, Ukrayna Silahlı Qüvvələrinin cəbhə xətti bu yay Rusiya ordusunun hücumu nəticəsində dağıla bilər. Buna səbəb isə ukraynalı hərbçilərin ruh yüksəkliyini aşağı salan təminat çatışmazlığıdır.

“Ukrayna ordusunun zabitləri bu yay yeni ərazi itkilərinin qaçılmaz olduğunu etiraf edirlər, yeganə sual onların nə qədər olacağıdır. Rusiya xüsusi hərbi əməliyyatındakı məqsədinə heç vaxt olmadığı qədər yaxındır. Ukrayna isə döyüş meydanında dönüş baş verməsə, indiki forması keçmişdə qalacaq”, - nəşr bildirib.