İran Xarici İşlər Nazirliyi Ukraynanı Suriyadakı terror qruplaşmalarına dəstəyi dayandırmağa çağırıb və onun hərəkətlərini terrorizmlə mübarizə üzrə beynəlxalq öhdəliklərin açıq şəkildə pozulması adlandırıb.

Axar.az xəbər verir ki, bu barədə İran Xarici İşlər Nazirliyinin bəyanatında deyilir.

Sənəddə vurğulanır ki, Ukraynanın Yaxın Şərq regionunda sabitliyi pozmaq üzrə hərəkətləri bütün beynəlxalq prinsiplərə ziddir və “əxlaqsız siyasət”dir.

Qeyd edək ki, İranın Rusiyaya raketlər, dronlar və digər silahlar ötürməsinə cavab olaraq Ukrayna Suriya müxalifətinə aktiv dəstək verir və İranın bu ölkədəki varlığına qarşı olan qüvvələri silahlandırır.