ABŞ Suriyadakı hadisələrlə bağlı Türkiyədəki aidiyyəti qurumlarla yaxından əlaqə saxlayır.

Axar.az xəbər verir ki, bunu Pentaqon rəsmisi Sabrina Sinqh deyib.

“Bölgədə vəziyyətin daim dəyişən dinamikaya malik olduğunu bilirik. Türkiyə, şübhəsiz ki, Suriya daxilindən gələn təhdidlərlə üzləşir və özünü qorumaq hüququna malikdir. ABŞ Suriya məsələsində təkcə Türkiyə ilə deyil, digər tərəflərlə də əlaqə saxlamağa davam edir”, - Pentqaon rəsmisi bildirib.

ABŞ-ın Suriyada sadəcə İŞİD-ə qarşı mübarizə apardığını iddia edən S.Sinqh PKK/YPG ilə Türkiyə arasında qarşıdurmaların olması halında ölkəsinin mövqeyi ilə bağlı sualı isə cavablandırmayıb.

Suriyada rejim dəyişikliyinin böyük bir fürsət və eyni zamanda böyük risk olduğunu bildirən Sinq ABŞ-ın bölgədəki mövqeyində əsgərlərini qorumaq və İŞİD-lə mübarizədən başqa heç bir dəyişiklik olmadığını vurğulayıb.

Bundan başqa, Süleyman Şah türbəsinin köhnə yerinə köçürülməsi üçün ABŞ-la danışıqların olub-olmaması istiqamətində suala cavab verən Pentqaon rəsmisi qeyd edib ki, Türkiyə ilə əlaqələri davam etdirirlər:

“Dövlət katibi də (Entoni Blinken – red.) müzakirələr aparmaq üçün regiona səfər edir və əlbəttə ki, Türkiyənin üzləşdiyi təhdidləri də başa düşürük. Bundan əlavə baş bir şey deyə bilməyəcəyəm”.