İsveçrə Ukrayna ilə bağlı hazırlıq danışıqları aparmağa hazırdır, Kiyev də bu ideyanı dəstəkləyib.

Axar.az xəbər verir ki, bunu İsveçrə Prezidenti Karin Keller-Zutter deyib.

“Mən Prezident Zelenskini bu həftə Davos Forumunda keçirilən görüşdə əmin etdim ki, biz hazırlıq danışıqları aparmağa hazırıq. O da razılaşdı”, - prezident bildirib.

Onun sözlərinə görə, Ukrayna ilə bağlı yeni konfransın planlarına qərar verməzdən əvvəl İsveçrə amerikalıların planını bilməlidir:

“Onlar sülh danışıqlarında əsas amildir və ABŞ-ın yeni administrasiyasının hara getmək istədiyi hələ bəlli deyil. Bundan əlavə, Rusiya da danışıqlar masasında olmalı və qlobal Cənub ölkələri də iştirak etməlidir”.