Ötən gün keçirilən prezident seçkilərində Aleksandr Lukaşenko 86,82% səs alıb.

Axar.az xəbər verir ki, bu barədə Belarus Mərkəzi Seçki Komissiyasının ilkin məlumatında deyilir.

Məlumata görə, Belarus prezident seçkilərində yekun seçici fəallığı 85,7% təşkil edib.

Qeyd edək ki, Belarusda 26 yanvarda keçirilən prezident seçkilərində Lukaşenkodan başqa dörd namizəd iştirak edib. Liberal Demokrat Partiyasının lideri Oleq Qaydukeviç 2,02%, sahibkar Anna Kanopatskaya - 1,86%, Kommunist Partiyası Mərkəzi Komitəsinin birinci katibi Sergey Sırankov 3,21%, Respublika Əmək və Ədalət Partiyasının sədri Aleksandr Xijnyak isə 1,74% səs toplayıb.