Gürcüstan ərazisində yağan güclü qar və çovğun ciddi problemlər yaradıb.

Axar.az xəbər verir ki, güclü qar səbəbindən Gürcüstan Dəmir Yolları bir neçə istiqamətə qatar reyslərini təxirə salıb.

Bu gün və sabah Tiflis-Ozurqeti, Batumi-Ozurgeti, Rioni-Kutaisi-Rioni istiqamətlərində qatarların hərəkəti dayandırılıb.

Bundan əlavə, ölkənin digər bölgələrində də problemlər yaranıb. Bəzi bölgələrə elektrik enerjisinin və təbii qazın verilməsi dayanıb.

Ölkənin müvafiq qurumları əlverişsiz hava şəraiti ilə əlaqədar əhaliyə müraciət edərək şəxsi avtomobillərlə səyahətə çıxmamağı, Qara dəniz sahillərinə yanaşmamağı xahiş edib.

Qara dənizdə 5-6 ballıq qasırğa barədə xəbərdarlıq olunub.