Təhlükəsizlik sadəcə söz deyil. Bu, həyatdır. İtkisiz, sevdiklərimiz üçün qorxusuz gələcəkdir.

Axar.az xəbər verir ki, bunu Ukrayna Prezidenti Ofisinin rəhbəri Andrey Yermak Vladimir Zelenskinin Ağ Ev səfərini şərh edərkən bildirib.

“Həqiqi zəmanətlər olmadan müharibə qayıdacaq. O, həmişə yeni zərbə üçün şans olan yerə qayıdır", - Yermak vurğulayıb.

Yermak xatırladıb ki, Zelenski Ukrayna və ədalətli, davamlı sülhü müdafiə edən hər bir şəxs üçün mübarizə aparır.

Qeyd edək ki, Ağ Evdə ötən gün ABŞ və Ukrayna liderləri Donald Tramp və Vladimir Zelenski arasında baş tutan görüş olduqca gərgin keçib və tərəflər ictimaiyyət önündə mübahisə ediblər. Daha sonra qapalı davam edən görüş də yarımçıq kəsilib, Zelenski Ağ Evi erkən tərk edib, birgə mətbuat konfransı və Ukrayna ilə təbii sərvətlərlə bağlı hazırlanmış sazişin imzalanması ləğv edilib.