Ukrayna Silahlı Qüvvələrinin əməliyyatının davam etdiyi Kursk vilayətində vəziyyət komandanlığın nəzarəti altındadır.

Axar.az xəbər verir ki, bu barədə Ukrayna Silahlı Qüvvələrinin Baş Qərargahının mətbuat xidməti məlumat yayıb.

Bildirilir ki, Ukrayna Silahlı Qüvvələri vəziyyəti sabitləşdirmək üçün ehtiyat qüvvələri əraziyə yerləşdirib:

"Sum vilayətinin Novenkoe və Juravka yaşayış məntəqələri ərazilərində düşmən diversiya-kəşfiyyat qrupları və hər biri bir neçə nəfərdən ibarət kiçik piyada dəstələri ilə əməliyyatlarını davam etdirir. Onlar döyüş zonasını genişləndirmək üçün Ukrayna ərazisində möhkəmlənməyə çalışırlar, lakin tədricən məhv edilirlər".

Baş Qərargah Sucada rusların itkilərinin çox yüksək olduğunu bəyan edib.

Qeyd edək ki, daha öncə Rusiya Silahlı Qüvvələrinin Baş Hərbi-Siyasi İdarəsinin rəis müavini Aptı Alaudinov Rusiya qoşunlarının Kursk vilayətində bütün istiqamətlərdə genişmiqyaslı hücuma keçdiyini təsdiqləyib.