AB Ciddə danışıqlarının nəticəsini alqışlayır və Ukrayna, ABŞ, həmçinin digər tərəfdaşlarla birlikdə müharibəyə son qoymaq səylərini dəstəkləməkdə öz rolunu oynamağa hazırdır.

Axar.az xəbər verir ki, bu sözləri AB-nin xarici işlər və təhlükəsizlik siyasəti üzrə ali nümayəndəsi Kaya Kallas deyib.

“AB-nin məqsədi BMT nizamnaməsi və beynəlxalq hüquq prinsipləri əsasında hərtərəfli, ədalətli və davamlı sülhə nail olmaqda Ukraynaya dəstək verməkdir. Atəşkəs təklifi Rusiya tərəfindən qəbul olunarsa, bu istiqamətdə mühüm addım ola bilər. İndi Rusiya sülhə hazır olduğunu nümayiş etdirməlidir”, - Kallas bildirib.

Qeyd edək ki, ötən gün Ciddədə baş tutan danışıqlarda Ukrayna ABŞ-ın 30 günlük dərhal atəşkəs təklifini qəbul edib.