Los-Ancelesdən Çinə uçan “United Airlines” təyyarəsi pilotlardan birinin pasportunun olmadığı aşkar edildikdən sonra geri dönmək məcburiyyətində qalıb.

Axar.az xəbər verir ki, bu barədə CNN aviaşirkətin nümayəndələrinə istinadla məlumat yayıb.

Bildirilib ki, Boinq-787 şənbə günü Los-Anceles hava limanından havaya qalxıb. Təyyarədə 257 sərnişin və 13 ekipaj üzvü olub. Təyyarə Sakit okean üzərindən Şanxaya uçurmuş.

Lakin havaya qalxdıqdan 2 saat sonra pilotun pasportunu unutduğu üzə çıxıb və təyyarə geri dönərək, San-Fransiskoya istiqamət alıb. Sərnişinlər əvəzedici təyyarə ilə yola salınıb. Sərnişinlərə yemək kuponları və yaranan narahatlığa görə kompensasiya ödənilib.