Husilər cənubun bəzi hissələrinə nəzarət edən və əsasən BƏƏ tərəfindən dəstəklənən beynəlxalq səviyyədə tanınmış hökumətə qarşı Yəmənə nəzarət uğrunda mübarizə aparır.

Axar.az xəbər verir ki, bu barədə CNN məlumat yayıb.

“Sual budur ki, hökumətə sadiq qüvvələr husilərə müqavimət göstərə biləcəklərmi? Analitiklər ABŞ-ın hava hücumlarına kömək etmək üçün bir neçə xüsusi təyinatlı dəstədən başqa əraziyə hər hansı bir qoşun göndərəcəyini gözləmir”, - məlumatda qeyd olunub.

Beynəlxalq Böhran Qrupunun Yəmən üzrə baş analitiki Əhməd Naytsın sözlərinə görə, Vaşinqton Yəmən qüvvələrini bəzi logistika və əsas döyüş sursatları ilə təmin edə bilər:

“BƏƏ uzun müddət Ədəndə yerləşən hökuməti dəstəklədiyi üçün “səssiz dəstək” verə bilər. Səudiyyə Ərəbistanının mövqeyi o qədər də aydın deyil”.

Analitik bildirib ki, Ər-Riyad husilərin öz infrastrukturuna qarşı pilotsuz təyyarələr və uzaqmənzilli raketlərdən istifadə edərək qisas almasından qorxur:

“Lakin son aylarda ABŞ Səudiyyə Ərəbistanına raketdən müdafiə sistemlərinin çatdırılmasını sürətləndirib. ABŞ Ər-Riyada deməlidir ki, biz sizi 2024-cü ildə İsraili İranın iki raund hücumundan qoruduğumuz kimi qoruyacağıq”.

Regional diplomatik mənbələr cənub və şərq, eləcə də sahil boyu başlayacaq quru əməliyyatı üçün hazırlıqların getdiyini bildirir.