Rusiyanın Kommunist Partiyasından Ulyanovsk vilayətinin deputatlığına namizəd Oleq Nikolayevin meyiti tapılıb.

Axar.az Globalinfo.az-a istinadla xəbər verir ki, bu barədə “Şot” Teleqram kanalı məlumat yayıb.

Bildirilib ki, onun meyiti mənzilində aşkarlanıb:

“37 yaşlı namizəd Vernadski prospektindəki binalardan birində kirayədə qalıb. Hadisə şahidləri təcili yardım çağırsa da, Nikolayevi xilas etmək mümkün olmayıb. Polis evdə sakitləşdirici tabletlər tapıb. Məlumata görə, bu həblər narahatlığı aradan qaldırmaq üçün istifadə olunur”.

Qeyd edək ki, 2019-cu ildə Nikolaev Ulyanovsk vilayətinin İşeevka şəhər qəsəbəsinin deputatı olmağa çalışsa da, lazımi sayda səs toplaya bilməyib.