ABŞ-la danışıqlar səmərəli ola bilər.

Axar.az xəbər verir ki, bunu İran xarici işlər naziri Abbas Arakçı italiyalı həmkarı Antonio Tayani ilə telefon danışığı zamanı deyib.

O bildirib ki, İran və ABŞ arasında xoşməramlılıq və realizm davam edərsə, danışıqlar səmərəli ola bilər.

Arakçı həmçinin Romada keçirilən danışıqların konstruktiv olduğunu qeyd edib.

Tayani də öz növbəsində İranın məsuliyyətli yanaşmasını yüksək qiymətləndirib.

O, İtaliyanın bu diplomatik prosesin irəliləməsinə kömək etməyə hazır olduğunu bir daha bəyan edib.

Qeyd edək ki, ABŞ və İran rəsmiləri 12 apreldə Maskatda, 19 apreldə isə Romada Omanın vasitəçiliyi ilə görüşüblər. Danışıqların 3-cü raundu 26 apreldə yenidən Omanda keçiriləcək.