Bu istiqamətdə atılan istənilən uzaqgörənlikdən uzaq addım nə hüquqi, nə də legitim sayılacaq və coğrafiyanı dəyişməyəcək, sadəcə, bütün iranlıların qəzəbinə səbəb olacaq.

Axar.az xəbər verir ki, bunu İran xarici işlər naziri Abbas Arakçı ABŞ Prezidenti Donald Trampın Fars körfəzinin adını dəyişmək istəməsinə münasibət bildirərkən deyib.

“Bu barədə yayılan xəbərlər əbədi müharibə tərəfdarları tərəfindən həyata keçirilən bir dezinformasiya kampaniyasının tərkib hissəsidir və məqsədi dünyadakı iranlıları qəzəbləndirmək və onları narahat etməkdir”, - Arakçı bildirib.

Qeyd edək ki, bundan öncə Trampın Fars körfəzini "Ərəb" və ya "Ərəbistan" adlandırmaq istəyi ilə bağlı məlumat yayılıb.