ABŞ Prezidenti Donald Trampın rusiyalı həmkarı Vladimir Putini tənqid etməsi Rusiya və Ukrayna arasında başlayan danışıqların yaratdığı emosional yüklənmə ilə əlaqələndirilir.

Axar.az xəbər verir ki, bunu Rusiya dövlət başçısının mətbuat katibi Dmitri Peskov deyib.

“Amerika tərəfinin səy göstərdiyi danışıqlar prosesinin başlanması mühüm nailiyyətdir. Amerikalılara və Trampa danışıqlar prosesinin başlanmasında göstərdikləri köməyə görə minnətdarıq. Eyni zamanda, bu, hər kəsin həddindən artıq emosional yüklənməsi və emosional reaksiyası ilə əlaqəli həlledici bir məqamdır. Bütün reaksiyaları izləyirik”, - Peskov bildirib.

Qeyd edək ki, ABŞ Prezidenti Donald Tramp Rusiyanın Ukraynanın şəhərlərini kütləvi PUA və raket atəşinə tutmasına münasibət bildirərkən Putini “dəli” adlandırmışdı.