Donald Trampın hazırkı rəhbərliyi dövründə ABŞ-ın Tayvana silah tədarükünün həcminin onun birinci dövründəkinə nisbətən artacağı gözlənilir.

Axar.az xəbər verir ki, bu barədə “Röyters” amerikalı rəsmilərə istinadən məlumat yayıb.

“ABŞ-ın qarşıdakı dörd il ərzində Tayvana silah tədarükünün Trampın ilk dövründə olan tədarükdən daha çox olacağı gözlənilir. Trampın birinci dövründə ABŞ Tayvana təxminən 18,3 milyard dollarlıq silah satışına icazə verib. Müqayisə üçün bildirək ki, keçmiş prezident Co Bayden dövründə təsdiqlənmiş tədarüklərin ümumi dəyəri təxminən 8,4 milyard dollar idi”, - qeyd olunub.

Mənbələrə görə, ABŞ-ın hakim dairələri, o cümlədən Trampın özü Çinə qarşı sərt mübarizə siyasətinin gücləndirilməsində maraqlıdır.