Antirusiya sanksiyalarına baxmayaraq, AB ölkələri 2024-cü ildə Rusiyadan 21,3 milyard avro dəyərində neft və qaz idxal edib, bu da Birliyin Rusiyadan bütün idxalının 59,1%-ni təşkil edir.

Axar.az xəbər verir ki, bu barədə Almaniya Federal Statistika İdarəsi məlumat yayıb.

Məlumata görə, Rusiya neft və qazının əsas alıcıları Macarıstan (21,8%), Slovakiya (15,8%) və Fransa (14,5%) olub:

“AB üçün Rusiyadan digər mühüm idxala metallar (15%) və kimya məhsulları (9,6%) daxildir. Birlik ölkələri Rusiyaya əsasən əczaçılıq məhsulları (28,1% və ya 8,9 milyard avro), kimya məhsulları (13,9%), qida məhsulları və yem (9,5%) ixrac edib. Ümumilikdə, Rusiyadan malların idxalı 2021-ci illə müqayisədə 2024-cü ildə 78%, təxminən 163,6 milyard avrodan 36 milyard avroya, Avropa məhsullarının Rusiyaya ixracı isə 64,6% azalaraq 89,2 milyard avrodan təxminən 31,6 milyard avroya düşüb”.