Hindistan sahillərində alovlanan “Van Hay 503” konteyner gəmisindəki yanğını üçüncü gündür ki, söndürmək mümkün olmayıb.

Axar.az xəbər verir ki, bu barədə xarici media məlumat yayıb.

Bildirilib ki, yanğınla mübarizədə nəticə əldə olunsa da, göyərtədəki yanacağın (2 min tona yaxın mazut və 240 ton dizel yanacağı var) alov alması təhlükəsi hələ də mövcuddur.

Hindistan Sahil Mühafizəsi yanğın sahəsinin təxminən 40%-nin nəzarət altında olduğunu bildirib.

Xilasedicilər qrupu ilk dəfə gəmiyə qalxmağı bacarıb və onu təhlükəsiz yerə yedəkləmək üçün hazırlıqlara başlayıb.

Qeyd edək ki, Sinqapur bayrağı altında üzən gəmi təhlükəli yükü olan 157 konteyner daşıyırmış.

Yanğın konteynerlərdə baş vermiş partlayışdan qaynaqlanıb.