Rusiya müharibədə təşəbbüsü əlində saxlayır və 2023-cü ilin payızından bəri fasiləsiz olaraq hücuma keçir, lakin bu, onun qələbəyə yaxınlaşdığını göstərmir.

Axar.az xəbər verir ki, bu barədə ABŞ-ın Strateji və Beynəlxalq Tədqiqatlar Mərkəzinin Hərbi əməliyyatlar üzrə rəsmisi Rayli Makkeyb “Vaşinqton Post”da yazıb.

O qeyd edib ki, cəmi iki həftə əvvəl Ukrayna müharibə ərzində ən iddialı əməliyyatlardan birini həyata keçirib – Rusiyanın dərin arxa cəbhəsində yerləşən bazalarında onlarla strateji raketdaşıyan təyyarəni zədələyib və məhv edib, özü isə buna minimal resurs sərf edib.

“Uzun aylar ərzində planlaşdırılan və Rusiyanın ərazisindən başladılan bu hücum göstərdi ki, Kiyev məhdud vasitələrlə böyük nəticələr əldə edə bilər”, – Makkeyb qeyd edib.