ABŞ Prezidenti Donald Tramp Rusiya və onun enerji alıcılarına qarşı sanksiya haqqında yeni qanun layihəsini dəstəkləyir.

Axar.az xəbər verir ki, bunu Respublikaçılar Partiyasından olan amerikalı senator Lindsi Qrehem "ABC Nyus"a deyib.

O, Trampın senatorun irəli sürdüyü Rusiyanın enerji resurslarının alıcılarına 500% tarif haqqında qanun layihəsini dəstəkləməsi barədə sualı belə cavablandırıb:

“Mövcud vəziyyət böyük sıçrayışdır və qanun layihəsi konkret olaraq bunu etməlidir: Siz Rusiyadan mal alıb Ukraynaya kömək etmirsinizsə, o zaman ABŞ-a gələn məhsullarınıza 500% rüsum tətbiq olunur”.

Qeyd edək ki, sənədin iyulda fasilədən sonra Konqresdə qəbul edilməsi planlaşdırılır.