Amerika silahlarının və hərbi texnikasının xarici ölkələrə tədarükünün yenidən nəzərdən keçirilməsi yalnız Ukraynanı deyil, bütün ölkə və regionları əhatə edir.

Axar.az xəbər verir ki, bu barədə Ağ Evin mətbuat katibi Karolina Levitt bildirib.

"Bu, Pentaqonun standart nəzərdən keçirmə proseduru idi. ABŞ-ın bütün ölkələrə və regionlara göndərdiyi silahların, yardımın və dəstəyin yoxlanılması məqsədi daşıyır, təkcə Ukraynaya aid deyil.

Bu, Pentaqon tərəfindən ötürülən hər şeyin bizim silahlı qüvvələrimizin, hərbçilərimizin maraqlarına tam uyğun olduğuna əmin olmaq üçün həyata keçirilən müvəqqəti araşdırma fasiləsidir", – deyə o vurğulayıb.