15 iyulda xainlərə qarşı çıxan bütün şəhidlərə rəhmət diləyir, qazilərimizə təşəkkür edirəm.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Türkiyə Böyük Millət Məclisində 15 iyul Demokratiya və Milli Birlik Günü ilə bağlı keçirilən mərasimdə bildirib.

Əroğan həmin gecə onlara dəstək verən dost və qardaş xalqlara təşəkkür edib:

“O gecə Bakıda, digər könül coğrafiyalarımızda dualar bizim üçün oxundu. Türkiyənin Türkiyədən daha böyük olduğu bir daha anlaşıldı. O gecə xalqımız şanlı bir dastan yazdı. FETÖ terror başçısının qurduğu oyun qəhrəman xalqımızın dirənişi qarşısında boşa çıxıb. 15 iyulda xalqın mübarizəsi tək xain çevrilişin deyil, həm də işğalın qarşısını alıb”.