İtaliyada inşa olunacaq dünyanın ən böyük asma körpüsü ilə bağlı proqram sazişi imzalanıb.

Axar.az xəbər verir ki, bu barədə İtaliyanın Nəqliyyat və İnfrastruktur Nazirliyi məlumat yayıb.

Bildirilir ki, Messina boğazından keçəcək körpü üçün proqram sazişini İtaliya Baş nazirinin müavini, nəqliyyat və infrastruktur naziri Matteo Salvini, iqtisadiyyat və maliyyə naziri Ciankarlo Ciorcetti, Siciliya və Kalabriya regionlarının rəhbərləri, icraçı şirkətlərin rəhbərləri imzalayıblar.

Siciliya adasını materiklə birləşdirəcək 3,6 kilometr uzunluğundakı körpünün inşasının təxminən 6,3 milyard avroya başa gələcəyi bildirilir. Tikinti işlərinə bu ilin yayında başlanması və inşa prosesinin 2032-ci ildə tamamlanması nəzərdə tutulur.