Rusiya Kamçatka vilayətinin Petropavlovsk-Kamçatsk şəhəri yaxınlığında saat yarım ərzində 10 zəlzələ qeydə alınıb.

Axar.az xəbər verir ki, bu barədə Rusiya mətbuatı məlumat yayıb.

Məlumata görə, ən güclü zəlzələ səhər saatlarında 7.4 bal gücündə olub.

Ümumilikdə isə bütün zəlzələlərin maqnitudası 5-7 bal arası olub. Zəlzələ ocaqları yerin 10-20 km-də, episentrləri isə Petropavlovsk-Kamçatsk şəhərindən 130-160 km aralıda yerləşib.

Kamçatka yarımadasında sunami təhlükəsi elan edilib. Proqnozlara görə, hündürlüyü 60 sm-ə qədər olan dalğa Aleut adaları sahillərinə, 40 sm olan dalğa Ust-Kamçatski rayonuna və 15 sm olan dalğa Petropavlovsk-Kamçatsk şəhərin yaxınlaşa bilər.

Rusiya Fövqəladə Hallar Nazirliyi əhalini sahili bölgələrini tərk etməyə çağırıb.