ABŞ Prezidenti Donald Tramp Yaponiya, Filippin və İndoneziya ilə ticarət sazişləri imzalayıb.

Axar.az xəbər verir ki, bu barədə “Röyters” və CNN məlumat yayıb.

Tramp bildirib ki, Yaponiya ilə ticarət sazişi 550 milyard dollar investisiya və 15%-lik cavab rüsumları ilə nəticələnəcək:

“Biz indicə Yaponiya ilə böyük, bəlkə də tarixdə ən böyük saziş bağladıq. Tokio avtomobil, yük maşınları, düyü və bəzi kənd təsərrüfatı məhsulları ticarətinə başlayacaq”.

Tramp həmçinin İndoneziya və Filippinlə ticarət razılaşması əldə etdiyini bildirib. Hər iki ölkədən idxal olunan mallara 19% rüsum nəzərdə tutulur. Eyni zamanda ora ixrac edilən Amerika mallarına rüsum tətbiq edilməyəcək.