Üçüncü Dünya müharibəsi təhlükəsi artmaqda davam edir və beynəlxalq ictimaiyyət bunun qarşısını almaq üçün əlindən gələni etməlidir.

Axar.az xəbər verir ki, bunu Macarıstanın Baş naziri Viktor Orban deyib.

“İndi bəlkə də ən vacib sual Üçüncü Dünya müharibəsinin olub-olmayacağıdır və cavab budur ki, dünya müharibəsi ehtimalı durmadan artır”, - o bildirib.

Buna sübut kimi o, vətəndaşlarının yeni dünya müharibəsi təhlükəsini kifayət qədər real hesab etdiyi altı böyük ölkədə keçirilən sorğuların nəticələrini göstərib. Orbanın sözlərinə görə, fransızların 55%-i, ispanların 50%-i, italyanların 46%-i, amerikalıların 45%-i, ingilislərin 41%-i və almanların 41%-i 5-10 ildən sonra Üçüncü Dünya müharibəsinin başlayacağına inanır.