Avstraliyanın Melburn Universitetinin professorları balıq yağının daha bir faydasını aşkar ediblər.

Axar.az xəbər verir ki, omeqa - 3 tərkibli balıq yağı həbi istifadə edən insanlarda digərlərinə nisbətən şizofreniya riski daha aşağıdır.

Alimlər şizofreniya əlamətlərinə sahib 13-25 yaş arasında olan bir neçə şəxs üzərində təcrübə aparıb. Balıq yağı həblərindən istifadə edən xəstələrdən yalnız 10 faizində, etməyənlərin isə 40 faizində şizofreniya aşkar edilib.

Araşdırmaçıların sözlərinə görə, balıq yağının tərkibində olan omeqa-3 və digər maddələr sinir hüceyrələrinin qorunmasına müsbət təsir göstərir, beyində yarana biləcək iltihablanmanın qarşısını alır.