Milli Məclisin növbədənkənar sessiyası çağırılacaq.

Axar.az xəbər verir ki, bununla bağlı Milli Məclisin deputatları parlamentin sədrinə müraciət ünvanlayıblar.

Qeyd edək ki, bu gün Milli Məclisin yaz sessiyasının sonuncu plenar iclası keçiriləcək.

Xatırladaq ki, növbədənkənar sessiya – Milli Məclisin yaz və payız sessiyaları arasındakı tətil dövründə xüsusi rejimdə fəaliyyətə çağırılmasıdır. Bu mexanizm dövlət əhəmiyyətli təxirəsalınmaz məsələlərin operativ həlli üçün istifadə olunur. Konstitusiyaya əsasən, növbədənkənar sessiya yalnız Prezidentin və ya Milli Məclisin 42 deputatının tələbi ilə çağırıla bilər.