Zəngəzur dəhlizinin Ermənistandan keçən hissəsində avtomobil və dəmiryolu layihəsi ilə bağlı işlərin getdiyi bizə bildirilib.

Axar.az APA-ya istinadla xəbər verir ki, bunu xarici işlər naziri Ceyhun Bayramov jurnalistlərə açıqlamasında deyib.

Nazir qeyd edib ki, ötən il Vaşinqton sammitinin çox önəmli nəticələrindən biri Zəngəzur dəhlizinin Ermənistandan keçən hissəsinin razılaşdırılması olub.

“ABŞ da bunu dəstəkləyir. Bu istiqamətdə danışıqlar ABŞ-la Ermənistan arasında aparılır. Ancaq eyni zamanda TRİPP-ın giriş və çıxış hissəsi Azərbaycan ərazisidir. Ona görə biz ABŞ-dan olan tərəfdaşlar tərəfindən məlumatlandırılırıq. Bizə verilən vədlər ondan ibarətdir ki, proses gedir, hazırda sənədlərin hazırlanması mərhələsidir. Gözləntimiz ondan ibarətdir ki, bu istiqamətdə yaxın aylar ərzində növbəti xəbərlər olsun”.