Yuxarı

Çarəsiz Nikolun ümid etdiyi yeganə şey... – Brayza

Ana səhifə Siyasət
12 Punto 14 Punto 16 Punto 18 Punto

Paşinyan çarəsiz olduğu üçün bunu edir. Azərbaycanın hərbi strategiyasının bu günə qədər heyrətamiz dərəcədə uğurlu olduğunu bilir.

Bu sözləri Axar.az-a açıqlamasında ABŞ-ın sabiq səfiri Metyu Brayza deyib.

Onun sözlərinə görə, Baş nazir Paşinyan Ermənistanı əsgərlərini Azərbaycan ərazilərindən çıxarmamaqla beynəlxalq hüququ pozmağa davam etməyə çağırır:

“Bu birmənalıdır. Ermənistanın Azərbaycan ərazilərini işğal altında saxlamasının beynəlxalq hüquqa zidd olması da heç bir sual doğurmur. O, çarəsiz olduğu üçün bunu edir. Azərbaycanın hərbi strategiyasının bu günə qədər heyrətamiz dərəcədə uğurlu olduğunu bilir. Azərbaycan texnoloji üstünlüklərindən istifadə edərək Ermənistanın bahalı hərbi obyektlərini, hava hücumundan müdafiə sistemlərini, tanklarını, zirehli texnikasını, artilleriyasını, hərbi binalarını və ordusunun şəxsi heyətini məhv etdi. Ermənistanın buna müqavimət göstərmək üçün hərbi gücü yoxdur. Məncə, onun dua edib, ümid bəslədiyi yeganə şey indi döyüşlərin Laçında dağlıq ərazilərə, yüksəkliklərə hücum etməyin çətinliyinədir. Paşinyan Dağlıq Qarabağın özündə belə dağlıq bölgələrə gözünü dikib”.

Brayzanın fikrincə, Paşinyan möcüzəvi şəkildə xilas olacağına inanır:

“O, ümid edir ki, birtəhər, möcüzəvi şəkildə erməni qüvvələri daha yüksək ərazilərin üstünlüyündən istifadə edərək, Azərbaycanın hücumlarını dayandıracaq və bu ərəfədə kimsə Ermənistan adından məsələyə müdaxilə edəcək. Bilmirəm, kimin onların müdafiəsinə gələcəyini düşünür. Yəni Rusiya artıq yardıma gəlməyəcəyini bəyan etdi, çünki döyüşlər Ermənistan ərazilərində deyil, Azərbaycan torpaqlarında gedir. Düşünürəm ki, Ermənistan baş naziri həqiqətən çıxılmaz vəziyyətdədir.

Azərbaycanın atacağı ən ağıllı addım, hərbi əməliyyatları dayandırmağa bəs edəcək qədər torpaq azad etdikdən sonra yeni bir siyasi xəritə ilə danışıqları son dərəcə güclü bir mövqedə davam etdirmək olar.

Daha sonra isə hər şeyi geri almaq – bütün torpaqları: yəni Dağlıq Qarabağı və ətraf rayonları, minimal can itkisi ilə. Düşünürəm ki, bu, təkcə mənəvi baxımdan deyil, həm hərbi, həm də iqtisadi baxımdan doğru addım olardı.

Azərbaycan xalqının bütün itirilmiş əraziləri hərbi yolla geri almaq istədiyini bilirəm. Ancaq Azərbaycanın danışıqlarda vəziyyəti gözlənildiyindən də çox yaxşı olacaq. Ona görə Azərbaycan təmkin nümayiş etdirərsə və öz doğru siyasətindən, həmişə olduğu kimi, istifadə edərsə, istədiyi hər şeyi ən aşağı itki ilə təmin edə bilər”.

Tarix
2020.10.28 / 09:00
Müəllif
Rəfiqə Əlisəfa
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla