Axar.az
Yuxarı

Qoşulmama Hərəkatı praqmatik siyasətə üstünlük verir - Deputat

Ana səhifə Siyasət
12 Punto 14 Punto 16 Punto 18 Punto

2022-ci il iyunun 30-dan iyulun 2-dək Bakıda, Heydər Əliyev Mərkəzində Qoşulmama Hərəkatı Parlament Şəbəkəsinin “Dünyada sülhün və dayanıqlı inkişafın təşviqində milli parlamentlərin rolunun gücləndirilməsi” mövzusuna həsr olunan Bakı konfransı keçirilmişdir . Bu vacib tədbirin əsas məqsədi Qoşulmama Hərəkatının Parlament Şəbəkəsini yaradılmasıdır. Qeyd etmək lazımdır ki, Azərbaycanın irəli sürdüyü digər bir təşəbbüslə növbəti ay Bakıda Qoşulmama Hərəkatının Gənclər Sammiti keçiriləcəkdir. Məlumdur ki, Qoşulmama Hərəkatı BMT-dən sonra dünyanın ikinci ən böyük təşkilatıdır. Azərbaycan 2011-ci ildən bu mötəbər təşkilatın üzvüdür və 2019-cu ildən Qoşulmama Hərəkatına sədrlik edir.

Axar.az xəbər verir ki, bu sözləri deputat Kamaləddin Qafarov deyib.

Deputat qeyd edib ki, Azərbaycan hər zaman Bandunq prinsiplərini ölkələr arasında əməkdaşlıq və qarşılıqlı fəaliyyət üçün yeganə əsas kimi qəbul edib: “Qoşulmama Hərəkatının Bakı konfransında çıxış edən Prezident İlham Əliyev Azərbaycanın digər ölkələrlə münasibətlərin qurulmasında məhz Bandunq prinsiplərini əsas götürdüyünü bir daha vurğuladı. Dövlətimizin başçısı bildirdi ki, əgər bütün ölkələr tərəfindən ərazi bütövlüyünün toxunulmazlığı, suverenliyin, müstəqilliyin tanınması, bir-birinin işlərinə müdaxilə etməmək kimi prinsiplərə əməl olunsaydı, o zaman heç bir müharibə, münaqişə və ədalətsizlik olmazdı. 2019-cu ildə Qoşulmama Hərəkatı Zirvə toplantısını Bakıda böyük müvəffəqiyyətlə keçirildi və 2022-ci ilə qədər sədrliyi Azərbaycan öz üzərinə götürdü. Yenə də 120 ölkənin yekdil qərarı ilə Azərbaycanın Qoşulmama Hərəkatına sədrliyinin 2023-cü ilin sonuna qədər uzadılması isə, şübhəsiz, ölkəmizin fəaliyyətinin yüksək qiymətləndirilməsinin təsdiqidir”.

Millət vəkili deyib:

“Azərbaycan Qoşulmama Hərəkatına sədrlik dövründə mütəmadi olaraq əhəmiyyətli təşəbbüslərlə çıxış edib. Ölkəmiz 2020-ci ilin may ayında Qoşulmama Hərəkatının dövlət və hökumət başçıları səviyyəsində onlayn Zirvə Toplantısının keçirilməsi təşəbbüsünü irəli sürüb və onu həyata keçirib. Zirvə Toplantısının praktiki nəticəsi olaraq Qoşulmama Hərəkatına üzv dövlətlərin əsas humanitar və tibbi ehtiyaclarını əhatə edən məlumat bazası yaradılmışdır. Azərbaycan Ümumdünya Səhiyyə Təşkilatına 10 milyon ABŞ dolları həcmində könüllü maliyyə töhfəsi etmişdir ki, onun da yarısı Qoşulmama Hərəkatının üzvlərinə birbaşa yardım idi. Koronavirusa qarşı mübarizəni dəstəkləmək üçün Azərbaycan Qoşulmama Hərəkatının üzvləri də daxil olmaqla, 30-dan artıq ölkəyə humanitar və maliyyə yardımı göstərib və təmənnasız olaraq dörd ölkəyə 150 min doza peyvənd ianə edib.”

K.Qafarov Azərbaycanın bütün beynəlxalq siyasi platformalarda Qoşulmama Hərəkatına üzv dövlətlərdən aldığı dəstəyi yüksək dəyərləndirdiyini vurğulayaraq deyib:

"Qoşulmama Hərəkatının bütün ölkələrin suverenliyinə və ərazi bütövlüyünə hörmət prinsipləri Azərbaycanın tarixi Qələbə ilə başa vurduğu Vətən müharibəsinin nəticələrinin mahiyyətində aşkar şəkildə öz əksini tapıb. Məhz bu səbəbdən Təşkilata üzv ölkələr hər zaman beynəlxalq hüquqa və BMT Təhlükəsizlik Şurasının qətnamələrinə uyğun olaraq, Azərbaycanın ərazi bütövlüyünə və suverenliyinə dəstək veriblər. Qoşulmama Hərəkatının Sədri kimi Azərbaycan beynəlxalq münasibətlərdəki qlobal çağırışların həlli istiqamətində Hərəkatın rolunun daha da gücləndirilməsi, habelə ədalətin, beynəlxalq hüququn və Qoşulmama Hərəkatına üzv dövlətlərin legitim maraqlarının müdafiəsi istiqamətində səylərini bundan sonra da gücləndirəcəkdir”.

Tarix
2022.07.06 / 14:16
Müəllif
Axar.az
Şərhlər
Digər xəbərlər

İlham Əliyev daha bir səfirlə görüşdü

Prezident Yeni Zelandiya səfiri ilə görüşdü

İlham Əliyev Çadın yeni səfirini qəbul etdi

Prezident daha bir səfiri qəbul etdi

İlham Əliyev Monqolustan səfirini qəbul etdi

Azərbaycan, Türkiyə və Gürcüstan saziş imzaladı

Tokayev Azərbaycana bu tarixdə gələcək

Finkeldən Qarabağ ermənilərinə müraciət: Vaxtdır!

Ərdoğanın Lvov səfəri: Dünya “5” deyil, “5+1”-dir…

Azərbaycan BMT-də məruzəsini təqdim etdi

KULT
<>
Xəbər xətti
Axar.az'da reklam Bağla
Reklam
Bize yazin Bağla