Azərbaycanda mərhələli şəkildə 12 illik ümumi təhsil sisteminə keçiləcək. Bəs bunun hazırki - 11 illik təhsil sistemindən fərqi nədir? Bu təhsil sisteminin üstünlükləri hansılardır? Bütün bu suallara təhsil eksperti Əjdər Ağayev aydınlıq gətirib.

Azərbaycan 12 illik ümumi təhsilə mərhələli keçidin həyata keçirilməsinə başlanılacaq. Bu barədə Prezident İlham Əliyevin fərmanı ilə təsdiqlənənən "milli iqtisadiyyat perspektivi üzrə Strateji Yol Xəritəsi"ndə deyilir.

Xəzər xəbər-in məlumatına görə, ekspert Əjdər Ağayev deyir ki, 12 illik təhsil ümumi təhsilin son iki ilində təmayülləşməni nəzərdə tutur ki, bu da gənclərin işsizlik riskindən qorunmasına kömək edəcək.

Ekspertin fikirincə, yeni tədris metodu həmçinin şagirdlərin ixtiraçılıq qabiliyyətini və intelektual səviyyəsini xeyli artıracaq.

Bütün bunlarla yanaşı, yeni tədris metodunun yaxşı təşkil edilməsi repetitorlara tələbi azalda bilər.

Əjdər Ağayev bildirir ki, sənəddə həmçinin müəllimlərin əmək haqqının yüksək olması da nəzərdə tutulub.