Şuşada ermənilər bizə yaxınlaşaraq Azərbaycan dilində Qarabağ ləhcəsində danışırdılar. Deyirdilər, harda qalmısınız, niyə gəlmirsiniz buralara?

Bu barədə ANS-in "Nəzər nöqtəsi" verilişində Azərbaycan Teatr Xadimləri İttifaqının rəhbəri, rejissor Azərpaşa Nemətov Rusiya prezidentinin mədəni əməkdaşlıq məsələləri üzrə nümayəndəsi Mixail Şvıdkoyun Azərbaycan və Ermənistan ziyalılarının görüşlərinin bərpa olunması barədə irəli sürdüyü təşəbbüsü şərh edən zaman 2009-cu ildə Şuşaya etdiyi səfəri xatırlayaraq bildirib.

Azərpaşa Nemətov bü çərçivədə həm Ermənistanda, həm də Şuşada olduğunu, həmçinin Azərbaycana gəlmiş erməni ziyalılarını qarşıladığını xatırlayıb və həmin görüşlərin seperatçı rejim tərəfindən dayandırıldığını deyib: "Gördülər ki, bu görüşlər onların ziddinə ola bilər".

"Qarabığımızı çox pis vəziyyətdə gördüm - yollar pis gündə, Şuşa bərbad vəziyyətdə idi. Evlərin çoxu dağınıq idi", - deyə Azərpaşa Nemətov vurğulayıb.