10:08

Şəkidə 28 yaşlı kişini avtomobillə vuran sürücü hadisə yerindən qaçıb.

Axar.az APA-ya istinadən xəbər verir ki, hadisə sentyabrın 24-dən 25-ə keçən gecə Şəki şəhər ərazisində baş verib.

1997-ci il təvəllüdlü Şəki şəhər sakini Hasil Etibar oğlu Əsgərov nəməlum avtomobil tərəfindən vurulub. H. Əsgərov ağır komotoz vəziyyətdə Şəki Rayon Mərkəzi Xəstəxanasının (RMX) Reanimasiya şöbəsinə yerləşdirilib, vəziyyəti ağır qiymətləndirilir.

DİN-in Mətbuat Xidmətinin regional qrupundan sorğuya cavab olaraq bildirilib ki, əməli törədən şəxsin müəyyən olunaraq saxlanılması istiqamətində polis əməkdaşları tərəfindən tədbirlər görülür.

Faktla bağlı Şəki Rayon-Şəhər Polis Şöbəsində araşdırma aparılır.

***

Şəkidə 28 yaşlı kişini avtomobillə vurub hadisə yerindən qaçan sürücü saxlanılıb.

Məlumata görə, onun Şəki rayon sakini Coşqun Məmmədov olduğu, qəzanı idarə etdiyi "Volksvagen" markalı avtomobillə törətdiyi müəyyən edilib. Aparılmış əməliyyat-axtarış tədbir nəticəsində C. Məmmədov saxlanılıb.

Məlumatı DİN-in Mətbuat Xidmətinin regional qrupundan təsdiqləyiblər.