Bərdənin Nazırlı kəndində ata özünü kanala atan ruhi xəstə qızını xilas etmək istəyərkən suda boğularaq dünyasını dəyişib.

Axar.az xəbər verir ki, uzun illərdir ruhi xəstəlikdən əziyyət çəkən kənd sakini 1981-ci il təvəllüdlü Sərəncam Yasin qızı Kərimova özünü kəndin mərkəzindən keçən drenaj kanalına atıb. Bunu görən atası 1957-ci il təvəllüdlü Yasin Əvəz oğlu Kərimov qızını kanaldan çıxarmağa çalışsa da, özü suda boğularaq ölüb.

Qız isə kənd sakinləri və polis əməkdaşları tərəfindən sudan çıxarılaraq xilas edilib.

Qeyd edək ki, Yasin Əvəz oğlu Kərimov uzun illər Nazırlı kənd orta məktəbində ibtidai sinif müəllimi işləyib.