Xəbər verdiyimiz kimi, Süleyman Mikayılov yanvarın 30-da Qaradağ Rayon İcra Hakimiyyətinin başçısı vəzifəsindən azad olunub. Hazırda onu birinci müavini Emil Abbasov əvəz edir.

Axar.az Mətbuat.az-a istinadla xəbər verir ki, E.Abbasov məşhur hüquqşünas İlqar Abbasovun oğludur.

İ.Abbasov uzun illər hakim kimi fəaliyyət göstərib. Son iş yeri Sabunçu Məhkəməsi olub. O, Sabunçu Məhkəməsinin sədri postunu itirəndən sonra karyerasını vəkil kimi davam etdirir. 1 iyul 2022-ci ildən Vəkillər Kollegiyasının üzvüdür.

Həmçinin, Emil Abbasov 14 il Dövlət Torpaq və Xəritəçəkmə Komitəsinin sədri işləmiş akademik Qərib Məmmədovun qardaşının qız nəvəsidir. O, uzun illərdir Qaradağ Rayon İcra Hakimiyyəti başçısının birinci müavini vəzifəsində çalışır.