2026.02.05. 17:42

Sabah Mingəçevir şəhərinin və Bərdə rayonunun bəzi ərazilərinin qaz təchizatında fasilə yaranacaq.

Bu barədə Axar.az-a Azərbaycan Dövlət Neft Şirkətinin "Azəriqaz" İstehsalat Birliyindən məlumat verilib.

Bildirilib ki, Mingəçevirdə yerləşən Toxuculuq və A. Puşkin küçələrində fərdi yaşayış evlərinin qaz təchizatının şəbəkəyə qoşulması ilə əlaqədar saat 10:00-dan ərazinin qaz təminatının işlər yekunlaşanadək daxildən dayandırılması planlaşdırılıb. Qaz təzhizatının dayanması ilə əlaqədar ümumilikdə 380 abonentin qaz təchizatında fasilə yaranacaq.

Bundan başqa, Bərdə rayonunun ölçü qovşağından qidalanan M.Ə.Sabir küçəsində qeyri yaşayış obyektinin qaz xəttinin şəbəkəyə qoşulması ilə əlaqədar saat 10:00-dan işlər yekunlaşanadək qaz təchizatının daxildən dayandırılması planlaşdırılır. Qaz təchizatının dayanması ilə əlaqədar İ.Qayıbov , Nüşabə, Vaqif, Koroğlu, H.Aslanov, Sabir və Gəncə küçələrində cəmi 2 284 abonentin qaz təchizatında fasilələr yaranacaq.

***

Fevralın 6-da Qazax rayonunun bəzi ərazilərində qaz təchizatında fasilələr yaranacaq.

Bu barədə Şəmkir Regional Qaz İstismarı İdarəsi (RQİİ) məlumat yayıb.

"Şəmkir RQİİ-nin Qazax rауоn Əskipara AQPS-dən qidalanan Daş Salahlı kəndində d76 mm qaz xəttində уеrаltı qəzа çağırışının ləğv edilməsi və hərbi hissənin yanında siуirtmənin quraşdırılması ilə əlaqədar olaraq rayonun Daş Salahlı kəndi, Qazax şəhərinin Azadlıq və Bakı küçələrində fevralın 6-sı saat 10:00-dan işlər başa çatanadək göstərilən ərazilərdə qaz təminatı (cəmi 1 600 abonent) daxildən dayandırılacaq",- məlumatda qeyd olunub.