15:08

Fevral ayının 13-də günorta saat 14 radələrində Qusar rayonu ərazisində fəaliyyət göstərən istirahət mərkəzlərindən birində Ukrayna vətəndaşı, 1957-ci il təvəllüdlü Boris Merzlyakovun cəsədi aşkar edilib.

Axar.az Bizim.Media-ya istinadla xəbər verir ki, meyitə baxış keçirilən zaman onun üzərində hər hansı zorakılıq izləri müəyyən edilməyib.

Mərhumun ölümünün dəqiq səbəbi hələlik məlum deyil.

Qeyd edək ki, hadisə rayonun Çiləgir kəndində yerləşən "Chateau" otelində qeydə alınıb.

Xatırladaq ki, 2018-ci ildə millət vəkili Astan Şahverdiyev də məhz adıçəkilən oteldə ürək çatışmazlığından həyatını itirmişdi. Faktla bağlı Qusar Rayon Prokurorluğunda araşdırmalar davam etdirilir.

***

Qusarda yerləşən oteldə dünyasını dəyişən şəxs manual terapevti Dr. Merzlyakov Boris Aleksandroviçdir.

Qaynarinfo.az-ın məlumatına görə o, Azərbaycanda bir sıra özəl xəstəxanalarda çalışıb.