Sosial şəbəkələrdə Salyan rayonunun Salyan və Babazanlı yaşayış massivini birləşdirən körpüdə dəmirlərin bir-birindən ayrıldığı ilə bağlı görüntülər yayılıb. Sakinlərin fikrincə, həmin hissə qırılıb və təhlükə yaradır.

Məsələ il bağlı Axar.az-a Azərbaycan Avtomobil Yolları Dövlət Agentliyindən bildirilib ki, həmin hissə qırıq deyil, dəmir tutacaqdır və kimsə tərəfindən yerindən çıxarılıb.

“Bu, körpünün problemli olması anlamına gəlmir, çünki həmin hissə körpünün daşıyıcı konstruktiv elementi hesab olunmur. Müvafiq tapşırıq veriləcək və əməkdaşlar tərəfindən həmin hissə yerinə bərpa olunacaq”, - məlumatda vurğulanıb.