Ağcabədi rayonunda ölümlə nəticələnən yol-nəqliyyat hadisəsi baş verib.

Axar.az Trend-ə istinadla xəbər verir ki, 1986-cı il təvəllüdlü Eldəniz Eldar oğlu Musayev etibarnamə əsasında idarə etdiyi, Rüstəm Müzəffər oğlu Əliyevin mülkiyyətində olan “Naz Lifan” markalı avtomobillə Salmanbəyli kəndi istiqamətindən Ağcabədi şəhərinə hərəkətdə olarkən idarəetməni itirib.

Nəticədə avtomobil əsas yoldan çıxıb.

Qəza nəticəsində sürücü Eldəniz Musayev aldığı xəsarətlərdən hadisə yerində ölüb. Avtomobildə sərnişin qismində olan avtomobil sahibi Rüstəm Əliyev isə başın təpə nahiyəsinin kəsilmiş-soyulmuş yarası xəsarəti alıb.

Faktla bağlı ibtidai istintaq aparılır.