"ABŞ-ın Beynəlxalq İnkişaf Agentliyi - USAID tərəfindən Azərbaycanda müstəqil medianın inkişafı üçün qrantın qəsdən gizlin elan edilməsi məqsədli xarakter daşıyır".

Bunu Axar.az-a açıqlamasında Bütöv Azərbaycan Xalq Cəbhəsi Partiyasının sədr müavini Niyaməddin Orduxanlı deyib. Onun sözlərinə görə, bu kimi təşkilatlar indiyə qədər yalnız destruktiv, dövlətin əleyhinə olan QHT-lərlə işləyiblər:

"Son illər ABŞ yönümlü beynəlxalq təşkilatların Azərbaycanda elan etdiyi qrant layihələrində yalnız bəzi radikal şəxslərin təsiri altında olan QHT-lər qalib olub. Bu yaxınlarda bu məsələ ATƏT Parlament Assambleyasının Bakıda keçirilən 23-cü sessiyasında ATƏT rəhbərliyi ilə Azərbaycanda fəaliyyət göstərən QHT sədrlərinin görüşündə də qeyd edildi. Onlara bunun hansı səbədən baş veridiyi sual edildi. Təəssüf ki, bu suallara cavab verilmədi. Onların nəzərinə çadırıldı ki, son illərdə 28 milyondan artıq qrant layihələri həyata keçiriblər bə bu layihələrin 80%-i eyni QHT-lərə verilib. Niyə məhz bu təşəkilatlara veriblər? Hanı onların hesabatları?"

Niyaməddin Orduxanlı əlavə olaraq bildirib ki, ABŞ fondlarından ayrılan qrantlar inhisara alınıb və orda heç bir şəffaflıq yoxdur: "Bu da təəssüf hissi doğurur. 2007-ci ildən QHT sədri kimi fəaliyyət göstərirəm və bu sahədə kifayət qədər təcrübəm var. Bütün bu hadisələr göz qabağındadır. Açıq şəkildə bütün qrant layihələrini özlərinin yaxın çevrələrinə, həm də gizli şəkildə verirlər və utanmadan da özlərini "demokratıya çarçısı" adlandırlar".