Nazirlik təbiəti tullantılarla çirkləndirən naməlum şəxslə bağlı polisə müraciət edib.

Ekologiya və Təbii Sərvətlər Nazirliyindən Axar.az-a verilən məlumata görə, reyd zamanı Şamaxı rayonunda Zoğalavay çayı ərazisinə heyvandarlıq təsərrüfatında formalaşan tullantıların boşaldıldığı aşkarlanıb. Məlum olub ki, tullantıları əraziyə “Mersedes” markalı 50 CL 474 nömrəli dövlət qeydiyyat nişanlı yük avtomobili boşaldıb. Avtomobilin sürücüsü sənəd təqdim etməkdən imtina edib. Faktla bağlı akt tərtib olunub.

Qanun pozucusunun şəxsiyyətinin müəyyən olunması üçün məktubla Şamaxı rayon Polis Şöbəsinə müraciət edilib.