Yeni qaz xətlərinin çəkilməsi planlaşdırılır.

Axar.az xəbər verir ki, "Böyük Bakının Regional İnkişaf Planı" layihəsi çərçivəsində yeni qaz xətləri və yüksək təzyiqli qaz kəmərləri çəkiləcək. Layihəyə əsasən, paytaxtın Qaradağ, Binəqədi, Sabunçu, Xəzər, Suraxanı, Xətai və Abşeron rayonlarından keçməklə dairəvi qaz kəməri çəkiləcək. Bununla bağlı Bakı Dövlət Layihə İnstitutunun direktoru İlqar İsbatov özü açıqlama verib. Onun sözlərinə görə, layihəyə əsasən, yeni qaz kəmərlərinin çəkiməsi ilə yanaşı, qaz şəbəkəsi də modernləşdiriləcək.

Qeyd edək ki, Böyük Bakı ərazisində mövcud qaz istehlakı ildə 4,6 milyard kubmetr təşkil edir. 2030-cu ilədək isə proqnozlaşdırılan qaz istehlakı ildə 7,1 milyard kubmetr nəzərdə tutulur.