Ana səhifə Toplum |
"Çudo Peçka" restoranlar şəbəkəsi ciyər kökəsini (peraşki) menyudan çıxarıb. Bu qərara səbəb ciyər peraşkisindən şikayətlənənlər olub.
Axar.az-a daxil olan məlumata görə, "Çudo Peçka" rəhbərliyi bu addımı atmağa məcbur olub. Restoranlar şəbəkəsi tənqid və şikayətlərdən yaxa qurtarmaq üçün ciyər peraşkisi satmaqdan imtina edib.
Məlumatda deyilir ki, bir müddətdir "Çudo Peçka" mağazalarında sözügedən qida satışda yoxdur. Ciyər peraşkisindən tez-tez qurd çıxması, müştərilərin davamlı narazılığı, məsələnin mətbuatda ictimailəşməsi onlara baha başa gəlib. Rəhbərlik qərara gəlib ki, birdəfəlik buna son qoysun.
Xatırladaq ki, Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidməti "Çudo Peçka" MMC-yə məxsus istehsal sexlərində bir sıra ciddi nöqsanlar aşkar etmişdi. Bakı şəhəri Binəqədi rayonu, C.Xəndan 36 ünvanında fəaliyyət göstərən "Çudo Peçka" MMC-də tort məhsullarının qablaşdırılmasında sanitar normaların pozulduğu, tozlu qablaşdırma materiallarından istifadə olunduğu üzə çıxarılmışdı.
Məlum olmuşdu ki, anbarda xammalların saxlanma rejiminə, tortların hazırlanmasında normalara əməl olunmur. Kulinar məmulatların hazırlandığı sexdə xammallar antisanitar vəziyyətdə saxlanılır. Peraşki istehsalı üçün alınan iribuynuzlu heyvanın ağ və qaraciyərinin qəbulu zamanı xidmət əməkdaşları orqonoleptik baxış keçirərkən ağciyərin üzərində qurd aşkar edilmişdi.
Tarix
2014.10.01 / 16:09
|
Müəllif
Emin Aslanlı
|