"Azərbaycanda ailəsində uşağı olan və üçəm uşaqları da doğulan ailələr üçün dövlət tərəfindən mənzillərin verilməsini təklif edən layihə dayandırılıb".

Bu barədə Axar.az-a Ailə, Qadın və Uşaq Problemləri üzrə Dövlət Komitəsindən məlumat verilib. Komitədən bildirilib ki, layihə təkmilləşdirildikdən və bir neçə dəyişiklik edildikdən sonra ətraflı məlumat ictimaiyyətə açıqlanacaq.

Qeyd edək ki, layihə Ailə, Qadın və Uşaq Problemləri üzrə Dövlət Komitəsi tərəfindən "Azərbaycan 2020: Gələcəyə baxış" İnkişaf Konsepsiyasına uyğun olaraq yeni hazırlanan "Azərbaycan Ailə Strategiyası"nın layihəsindəki təkliflərdən biridir.

Layihədə ailəsində uşağı olan və üçəm uşaqları da doğulan ailələr üçün dövlət tərəfindən mənzillərin verilməsi təklif edilir.

Azərbaycanda il ərzində orta hesabla neçə üçəm uşağı doğulması isə diqqət çəkir.

Dövlət Statistika Komitəsindən Axar.az-a verilən məlumata görə ötən il Azərbaycanda 42 üçəm uşaq dünyaya gəlib. 2014-cü ilin 6 ayı ərzində isə doğulan körpələrdən 30-u üçəm olub. İlk 6 ayı nəzərə alsaq, bu göstərici orta hesabla 2014-cü ilin sonuna doğru 60-a çatacaq.

Hazırda ailəsində uşağı olan və üçəm uşaqları doğulan ailələr üçün müəyyən tədbirlər görülsə də, belə ailələr üçün dövlət dəstəyinin daha da gücləndirilməsi təklif edilir.