15:17

Bakı-Qazax yolunda zəncirvari qəza baş verib, ölənlər və yaralananlar var.

Hadisə şahidlərinin Trend-ə verdiyi məlumata görə, Bakı-Qazax yolunun 13-cü km-də ağır yol-nəqliyyat hadisəsi qeydə alınıb. Yol qəzası Bakı istiqamətində hərəkətdə olan mikroavtobus və yük maşını da daxil olmaqla, bir neçə avtomobilin iştirakı ilə baş verib.

Ölənlər və xəsarət alanlar olduğu bildirilir.

***

Bakı şəhər Təcili və Təxirəsalınmaz Tibbi Yardım Stansiyasından Trend-ə bildirblər ki, yol qəzasında 15 nəfər xəsarət alıb. Onlar xəstəxanaya yerləşdiriliblər.

Bundan əvvəl 10-dan artıq insanın xəsarət aldığı deyilmişdi.

Dəqiqləşdirilməmiş məlumatlara görə isə hadisə nəticəsində ölənlər də var. Lakin ölənlərin dəqiq sayı açıqlanmır.