Rusiyanın Tümen şəhərində beynəlxal axtarışa verilən 2 azərbaycanlı saxlanılıb.

Axar.az xəbər verir ki, bu barədə Rusiya polisi məlumat yayıb. Azərbaycan və Rusiya polisinin birgə əməkdaşlığı nəticəsində dələduzluq ittihamı üzrə axtarışda olan 2 nəfər həbs edilib.

Azərbaycanda özünü vəzifəli şəxs qismində təqdim edən şəxs zəlzələ nəticəsində zərər çəkmiş evlərin bərpasına lazımlı sənədlərin alınmasında yardım edəcəyini bildirərək, yerli sakinlərdən 58 min dollar pul götürüb.

Ələ keçirilən şəxs 2013-cü ilin sentyabrından Rusiya ərazisində gizlənirdi.

Azərbaycan respublikasının digər vətəndaşı isə Ufada ələ keçirilib. O, 2009-2012-ci ilər ərzində saxta sənədlərlə kredit götürüb, ödəniş ödəməkdən yayınırdı.

Cinayətkarların Azərbaycana ekstradisiyası üçün iş aparılır.