Yuxarı

APA qayıtdı, ONA-nın taleyi... – Direktor aydınlıq gətirdi

Ana səhifə Toplum
12 Punto 14 Punto 16 Punto 18 Punto

APA informasiya agentliyinin xarici dillərdə yayımı tam bərpa olunacaq, hətta əlavə dillərdə də fəaliyyəti nəzərdə tutulub.

Bu sözləri Axar.az-a açıqlamasında “APA Holdinq”in rəhbəri Vüsalə Mahirqızı ötən ilin avqustunda dayanan APA informasiya agentliyinin bugündən fəaliyyətini bərpa etməsi və hazırda yalnız 3 dildə (Azərbaycan, ingilis, rus) xəbər yayımı ilə bağlı danışarkən deyib. V.Mahirqızı qeyd edib ki, APA-nın ərəb dilində də fəaliyyəti yaxın günlərdə bərpa olunacaq:

“Bundan başqa, fransız və erməni dillərində də yayımlarımız var idi. Bunlar hamısı yaxınlarda bərpa ediləcək. Həmçinin gələcəkdə daha bir neçə dildə fəaliyyət nəzərdə tutulub.

APA-nın bütün beynəlxalq əlaqələri də bərpa olunacaq. Həmin əlaqələr onsuz da davam edirdi. Çünki bir çox büromuzun il sonuna qədər olan akkreditasiyaları qalıb. Artıq tərəfdaşlarımıza məktublar göndərilib. Xüsusilə beynəlxalq informasiya agentlikləri ilə əlaqələrimiz bərpa olunur. Bir neçə tərəfdaşımıza bununla bağlı e-mail vasitəsilə məktublar göndərmişik və müsbət cavablar da almışıq”.

V.Mahirqızı bu ilin fevral ayında yaradılan Onlayn Xəbər Agentliyinin (Online News Agency - ONA) aqibətinə də aydınlıq gətirib:

“Ona.az bundan sonra analitik mərkəz kimi fəaliyyət göstərəcək və elə öz adı da qalacaq. Azərbaycanda bu gün informasiya qurumlarının müstəqil mərkəzləri var, hansı ki, mütəxəssislər orada iqtisadi, sosial, psixoloji analizlərlə məşğul olurlar. Biz belə bir mərkəz də yaratmağı düşünürdük qrupumuzun tərkibində. Ona.az gələcəkdə həmin analitik informasiya mərkəzinin saytı, resursu kimi fəaliyyət göstərəcək”.

Qeyd edək ki, APA informasiya agentliyi və “APA Holdinq”ə daxil olan xəbər portalları ötən ilin avqustunda fəaliyyətini dayandırmışdı. Bu il fevral ayından V.Mahirqızının rəhbərliyi altında ONA (Online News Agency (Onlayn Xəbər Agentliyi) - ONA) fəaliyyətə başlayıb. Az sonra isə “APA Holdinq”ə daxil olan Lent.az və Vesti.az da fəaliyyətini bərpa edib.

Bu gündən isə APA oxucuların görüşünə gəlib. V.Mahirqızı ən qısa müddətdə APA TV-nin də fəaliyyətini bərpa edəcəyini açıqlayıb.

Tarix
2019.06.04 / 11:38
Müəllif
Nigar İxtiyarqızı
Şərhlər
Digər xəbərlər

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla