Paytaxt Bakıda analoqu olmayan yaşayış kompleksi tikilir.

Axar.az xəbər verir ki, 3-cü mikrarayon dairəsi yaxınlığında inşa edilən kompleks dəmir konstruksiya əsasında tikilir.

Tikinti şirkətinin şöbə rəisi Nizami Nadiroğlunun verdiyi məlumata görə, kompleks yaşayış, ofis və ticarət təyinatlı binadır:

"Bir müddət öncə mətbuatda inşa etdiyimiz binanın konstruksiya tipli avtopark olacağı ilə bağlı yazılar dərc olunmuşdu. Bina konstruksiyadan ibarət olduğu üçün belə rəy yaranıb. Bildirmək istəyirəm ki, inşa etdiyimiz bu binalar avtopark deyil, yaşayış kompleksidir. Təbii ki, bu kompleksdə avtomobillər üçün dayanacaqlar da nəzərdə tutulub".

Bildirək ki, paytaxtda bir ilkə imza atacaq bu kompleksin tikintisində əsasən dəmir konstruksiyadan istifadə olunub. Bu təcrübənin dünya miqyasında özünü doğrultduğunu nəzərə alsaq, yaxın gələcəkdə paytaxtda belə binaların sayının artacağını deyə bilərik.