Ana səhifə Toplum |
Azərbaycanda seçicilər öz iradələrinin ifadəsində maraqlıdırlar. Onları heç kim seçki məntəqələrinə gəlməyə və səsvermədə iştirak etməyə məcbur etmir. İnsanlar öz vətəndaşlıq borcunun icrasını dərk edirlər.
Bu sözləri Axar.az-a açıqlamasında bu gün keçirilən Milli Məclis seçkilərində MDB Müşahidə Missiyasının üzvü, məşhur rusiyalı tarixçi Oleq Kuznetsov deyib. Onun sözlərinə görə, seçki qanunvericiliyinə riayət etməyə nəzarəti fərqli prinsplər əsasında formalaşdıran bir neçə beynəlxalq müşahidəçi qrupu həyata keçirir:
“Mənim daxil olduğum qrup Rusiya, Almaniya, İtaliya və Polşadan dəvət edilən akademiklərdən təşkil edilib. Biz hər birində 5-6 nəfər olmaqla 4 işçi qrupuna bölünmüşük, nəqliyyatla təmin olunmuşuq və hər qrup Bakıda öz rayonuna göndərilib. Mənim olduğum qrup Səbail rayonunda çalışır. İndiyə qədər biz 23-cü və 15-ci seçki məntəqələrini ziyarət etmişik. Hər dairədə 7-8 məntəqədə oluruq”.
Kuznetsov hazırda məntəqələrdə heç bir qanun pozuntusu aşkarlamadıqlarını, ciddi iradların belə edilmədiyini bildirib:
“Bakı şəhərində seçicilərin aktivliyinin kifayət qədər yüksək olduğunu qeyd edə bilərəm. İnsanlar öz iradələrinin ifadəsində maraqlıdırlar. Onları heç kim seçki məntqələrinə gəlməyə və səsvermədə iştirak etməyə məcbur etmir. Açığını desəm, hər məntəqədə iki-üç favorit var. Deputatlığa namizədlərin çoxu özlərini seçkiqabağı təşviqatda göstərə bilməyib. Hətta bəziləri barədə seçicilər heç nə bilmirlər”.
Tarix
2020.02.09 / 16:47
|
Müəllif
Əli Məmmədov
|